آنا محبتی

آنا محبتی

قیرخ بولاق گولوندن آیریلماق قوصّه‌سی قاشقالداق‌لارین اوره‌یینی سیخار، آیریلماغی اوزلرینه بؤیوک قم-کدر حئساب ائدر و بو قم کدردن حزین-حزین آغلایارلار.
پاییزین سون گونلری ایدی. سولار یاواش یاواش دوْنورلار. گؤیده‌کی دورنالار قاتار-قاتار بغداد ائللرینه کؤچ?ردولر. قاشقالداق‌لار دا مین حسرتله اؤزلرینی کؤچ اوچون حاضیرلاییردیلار.
قاشقالداق‌لار سفره گئجه چ?خارلار. آخشام قارانلیق‌لاشاندا اؤردک‌لرین باشچی‌سی گؤیه قالخیب و یوْلا دوشمه‌یی تکلیف ائتدی.»آرزی« آدلی بیر کؤرپه قاشقالداق اوزونو آناسینا توتو?ب دئدی:
- آنا یول منی یووراجاقدیرمی؟
- یوراجاقدیر بالام – دئیه آنا جاواب وئردی.
- آنا یول بیزی آیاقدان سالاجاقدیرمی؟ – دئیه آرزی یئنه ده سور?شد?.
- یوْل منیم گؤزل بالام! یوْل بیزی یوْرسادا آمما هئچ واخت آیاقدان سالابیلمز – دئیه آنا جاواب وئردی.
اؤردکلر گؤزلرینده قم، ا?زلرینده سئوینج قاناد چال?ب قارانلیق گؤیلره یوکسلدیلر. دوزدور کی اوْلار اؤز سئومه‌لی گؤللریندن آیریلیردیلار لاکین »کرکوک« شهرینده ایستی گؤللر، آل الوان گوللر و گوی چیمنلر اوْنلاری گؤزله‌ییردیلر. هله بیر آز یول گئتمیشدیلر کی، آنا قوش اوزونو یولداشلارینا توتوب دئدی:
- منیم آرزیم هانی؟ سسی گلمیر.
بیریسی جاواب وئردی:
- بیز اونو اوچمامیشدان قاباق گؤردوک، لاکین ایندی گوزوموزه دَیمیر.
آنا هامیدان سوْراقلاشدی آمما آرزی یوخ ایدی. کیمسه سوْراغینی وئرمه‌دی، سانکی آرزی بیر دامجی سو اوْلوب یئره باتمیشدی.
آنا دئدی:
- من قاییدیرام
دئدیلر:
- گئتمه تاپا بیلمزسن …
آنا قاییتدی، قاشقالداق‌لار اؤز یوْللارینا داوام وئردیلر، آنا قاشقالداق گؤلونون یانینا گلیب سسله‌ندی:
- آرزی! بالام
بیر سس گلمه‌دی. یورولموشدو. بیر داشین اوستونده اوْتوردو. گئجه سوکوتا دالم?شدی چاققال‌لار اولویوردولار. آنا گؤلون هر طرفینه باش چکیب بالاسینی گزدی آمما آرزی‌دان بیر خبر چیخمادی. آنا سحر آچیلانادک{جاق یازساق یاخچی اوْلابیله‌ر} بالاسینی گزدی. آمما اوندان بیر نیشان تاپابیلمه‌دی.
سحر آچیلاندا، آنا اوزونو داغا ت?توب یئنه قیشقیردی:
- آرزیم… بالام…
داغدان بیر سس قوپد?:
- ب…الا…ب…الا.
آنا داغا ساری اوچدو، داغدا ایسه بیر نیشان یوْخ ایدی. قیشین ایلک قاری یاغماغا باشلامیشدی. گؤل سس‌سیزجه کؤکسونو گؤیدن دوشه‌ن قارلارین اوزونه آچمیشدی …کیمسه گؤرونموردو. آنا یئنه ده بیر قارا داش اوستونده اوت?ر?ب بالاسینی سسله‌دی. یئنه ده داغلار اونا جاواب وئردی؛ گؤزلری یاشا دولدو، ایختییارسیز ایکی دامجی یاش میرواری کیمی گؤزلریندن آخدی، آنا سس‌سیزجه آغلاماغا باشلادی. بو زامان بیر ساری دووشان۱ اورادان کئچیردی. قاشقالداغی آغلایا-آغلایا گؤروب اونا یاخین‌لاشدی سالام وئریب سوروشدو:
- آنا نه‌یه آغلاییرسان؟
- سن منیم آرزیمی گؤرمه‌دین؟ – دئیه آنا سوروشدو.
- آنا ایتیرنی آختارمازلار. ایندی یولداشلارین اوزاقلاشار، سن تک قالیب هلاک اولارسان. دور گویه چیخ، ایندی یولداشلاری‌نین گؤزلری یولدادیر.
- بالامی تاپماسام یولا دوشمرم، من بالامی آختاریرام.
- قار چوخ یاغیب، شاختا سنی قوروداجاق دور آیاغا یوخسا گئج اولار.
- من بالاسیز نئجه گئدیم؟ دئیه آنا یئنه ده آرزی‌نی آختارماغا باشلادی.
دووشان گؤردوکی آنا گئتمیر. اوزونو آنایا ساری توتوب دئدی:
- او داغین اته‌یینه بیر باخ!
آنا داغین اته‌یینه ساری اوچدو. بیر تولکو یاتمیشدی، آنانی گؤرجک دیک دوروب قاچدی. آنا یاخین‌لاشاندا آغ-آغپاق قارلارین اوستونده آرزی‌نین قارا للک‌لری-خینالی آیاقلاری و قانلی کاکولونو گؤردو.
۱- تورک ائلینین ایچینده دووشان نحس و پیس خبر بیلدیره‌ن حئیوان کیمی اینانیلیر و اونو بداوغور حئیوان آدلارلار بئله کی کیسمه‌نین ایلکین قاباغینا چیخان بیر دووشان اولا او ایشی و گونو دوز گلمه‌ز.»دووشان بد اوغور اولار – قورد اوزو اوغورلو اولار«.

نوشته شده توسط admin در یکشنبه, ۳۱ فروردین ۱۳۹۳ ساعت ۴:۱۳ ق.ظ

دیدگاه


× 3 = پانزده